Sa kampanyang ito ng DOH, lahat ng batang wala pang limang taong gulang ay babakunahan, kahit nabakunahan na dati o kumpleto ang bakuna laban sa polio.
Tiniyak ng DOH na kahit kumpleto na sa bakuna kontra polio noon ay walang ‘overdose’ effect kung babakunahan muli ngayon.
Ayon sa DOH, safe at effective ang oral polio vaccine at libre ding ibibigay sa mga bata.
Ang polio ay mabilis kumalat at makahawa.
Nagdudulot ito ng habangbuhay na pagkaparalisa at maaaring ikamatay.
Walang ring gamot sa polio at tganging bakuna ang paraan para maiwasan ito.
Ngayong may polio outbreak sa bansa, bawat dagdag patak ay dagdag proteksiyon.
Ayon sa DOH, hangga’t may mga batang hindi nabakunahan laban sa polio, patuloy na kakalat ang sakit na polio sa bansa.
Paalala ng ahensya sa mga magulang, siguruhing mapabakunahan ang inyong anak dahil kapag natamaan ang bata ng sakit na ito, mauuwi ito sa habangbuhay na pagkaparalisa at maaaring ikamatay.