Water level ng Angat dam sumampa na sa 188-meter level

Nadagdagan pa sa nakalipas na magdamag ang antas ng tubig sa Angat dam.

Sa abiso ng PAGASA Hydrology Division, alas 6:00 ng umaga ngayong Huwebes, Nov. 28 ay 188.10 meters ang water level ng Angat dam.

Mas tumaas kumpara sa 187.98 meters kahapon.

Ang Ipo dam naman ay nadagdagan din ang water level na nasa 100.43 meters.

Bahagya namang nabawasan ang antas ng tbig sa La Mesa dam na nasa 77.49 meters.

Nabawasan din ang water level ng Ambuklao, Binga at Caliraya dams.

Habang nadagdagan naman ang water level ng San Roque, Pantabangan at Magat dams.