Water level ng Angat dam bahagyang nadagdagan sa nakalipas na magdamag

Dahil nakaranas ng pag-ulan kahapon nadagdagan ng bahagya ang water level ng Angat dam

Ayon sa update ng PAGASA Hydrology alas 6:00 ng umaga ng Lunes, Nov. 25 ay nasa 187.75 meters ang water level ng dam.

Malayo pa rin ito sa 210 meters na normal high-water level ng dam.

Ang Ipo dam naman ay nasa 100.41 meters ang water level habang ang La Mesa dam ay 77.54 meters.

Nadagdagan din sa magdamag ang antas ng tubig sa Binga, Pantabangan, Magat, at Caliraya.

Habang nabawasan naman ang water level ng Ambuklao at San Roque.