Mga sugatang sundalo, binista ni Pangulong Duterte sa Davao City

Binisita ni Pangulong Rodrigo Duterte ang mga sugatang sundalo na ginagamot sa Metro Davao Medical and Research Center sa Davao City, araw ng Sabado.

Base sa mga litrato na ipinamahagi ni Senador Christopher “Bong” Go, ginawaran din ng pangulo ng Order of Lapu Lapu Rank of Kampilan ang mga sugatang sundalo.

Sinaluduhan ng pangulo ang mga sugatang sundalo dahil sa paglaban sa mga kalaban ng estado.

Personal din na inalam ng pangulo ang kalagayan ng mga sugatang sundalo.