NU, nasungkit ang ika-anim na sunod na kampeonato sa UAAP women’s baskbetball

Nasungkit ng National University (NU) ang ika-anim na kampeonato sa UAAP women’s basketball.

Nagwagi ang Lady Bulldogs sa Game 2 ng UAAP Season 82 finals kontra sa University of Santo Tomas (UST) sa iskor na 66=54.

Sa pagsisimula pa lamang ng laro, umarangkada na si Monique Del Carmen dahilan para matambahan sa unang kwarter ang Growling Tigresses sa iskor na 25-8.

Natapos ng NU ang season nang walang talo.

Ayon kay NU head coach Pat Aquino, masaya siya para sa panibagong tagumpay ng unibersidad at mga manlalaro.

Inalay naman ng Lady Bulldogs ang kanilang titulo sa power forward na si Jack Animam na nagtamo ng orbital fracture sa kaniyang kanang mata.

Sa ngayon, nasa Aukland, New Zealand pa si Animam.