Mga produktong petrolyo, magkakaroon ng rollback sa susunod na linggo

Asahan nang magkakaroon ang ilang kumpanya ng langis ng bawas-presyo sa kanilang mga produktong petrolyo sa susunod na linggo.

Sa abiso ng Shell at Petro Gazz, P0.10 ang ibababa sa kada litro ng kanilang diesel habang P0.20 naman sa kada litro ng gasolina.

Sinabi pa ng Shell na nasa P0.10 ang tapyas sa kada litro ng kanilang kerosene o gaas.

Sinabi ng dalawang kumpanya na epektibo ang kanilang oil price rollback sa araw ng Martes, November 26, bandang 6:00 ng umaga.

Inaasahan namang mag-aanunsiyo na rin ang iba pang kumpanya ng langis ng kanilang oil price adjustment.

Ito na ang ika-siyam na sunod na linggong magkakaroon ng rollback sa presyo ng diesel.