Mga maaarestong gumagamit ng vape pwedeng dumulog sa korte – IBP

Maaring pumalag at kwestyunin ng vape users ang mga otoridad kapag sila ay inaresto.

Pahayag ito ng Integrated Bar of the Philippines (IBP) matapos na ipag-utos ni Pangulong Rodrigo Duterte ‘verbally’ ang pagbabawal sa paggamit ng vape sa mga pampublikong lugar.

Ayon kay Atty. Domingo Cayosa, kung mayroong sa tingin nila ay naagrabyado sila, pwede silang magtungo sa korte.

Ayon kay Cayosa ang executive order na umiiral sa ngayon ay pagbabawal sa paggamit ng tobacco products sa mga pampublikong lugar.

Hindi aniya malinaw kung sakop nito ang vape.

Una nang nilinaw ng Philippine National Police (PNP) na pwede pa namang gumamit ng vape pero sa mga designated na lugar lamang.