Ginang arestado dahil sa iligal na operasyon ng STL sa Quezon Province

Arestado ang isang hinihinalang “bookies” na ginang dahil sa iligal na operasyon ng STL sa bayan ng Tayabas sa lalawigan ng Quezon, alas-8 ng gabi ng Huwebes (November 21).

Nakilala ang suspek na si Laila Dator, 60 taong gulang at residente ng Barangay Tongko.

Ayon kay Colonel Audie Madrideo, Quezon police Director, naaresto si Dator habang nangongolekta ng taya mula sa isang police undercover.

Ayon pa kay Madrideo, bigong makapagpakita ng I.D. na mula sa Pirouette Gaming Corp. na lisensyadong operator ng
STL sa lalawigan.

Nakumpiska sa suspek ang listahan ng mga taya at pera.

Nahaharap ang suspek sa kasong paglabag sa Republic Act 9287 o An Act Increasing The Penalties for Illegal Numbers Game, Amending Certain Provision of Presidential Act 1602 and for Other Purposes.