Sigarilyo at vape bawal sa lahat ng SEA Games venues

Mahigpit na ipagbabawal ang paninigarilyo at paggamit ng vape sa lahat ng venue para sa 30th Southeast Asian Games.

Ito ay kasunod ng verbal order ni Pangulong Rodrigo Duterte na ipagbawal na rin ang paggamit ng vape sa mga pampublikong lugar.

Ayon kay National Capital Region Police Office (NCRPO) acting director Brig. Gen. Debold Sinas, huhulihin ang mga gagamit ng vape sa SEA Games venues at ipapa-blotter.

Ang mga vape o e-cigarettes naman ay kukumpiskahin.

Hindi naman ilegal ang pagdadala lang o pagbibitbit ng vape.

Aplikable ang direktiba sa mga dayuhan na kalahok sa SEA Games ayon kay Sinas.