Sa ilalim ng Republic Act No. 10742 hindi na maaring tumakbo sa SK elections ang mga kaanak hanggang sa second civil degree of consanguinity or affinity ng sinumang nakaupong opisyal ng pamahalaan.
Ayon kay Senator Bam Aquino, may akda ng panukala, magiging daan ng tunay na pagbabago sa electoral system ang SK Reform Act dahil hindi na ito magagamit ng mga pamilyang pulitiko upang mapalawak ang kanilang kapit sa kapangyarihan.
Sa ilalim rin ng naturang batas, itinataas na rin ang age limit ng mga gustong maging SK official mula sa 15-17 tungong 18-24 kaya’t maari nang lumagda at pumasok sa mga transaksyon at kontrata ang mga ito.
At dahil nasa legal nang edad, magkakaroon na ng pananagutan ang mga SK sakaling pumasok ito sa isang kuwestyunable o maanaumalyang transaksyon o kasunduan.