Pinakamatandang lalake sa buong mundo, pumanaw na

 

Pumanaw na ang itinuring na ‘world’s oldest man’ sa edad na 112.

Namatay si Yasutaro Koide Martes ng gabi sa isang ospital sa Nagoya, Japan kung saan ito nanirahan ng maraming taon.

Naging sanhi ng kanyang pagpanaw ang sakit nitong pneumonia at heart failure, ayon sa mga doktor.

Si Koide na ipinanganak noong March 13, 1903 sa Fukui prefecture ay isang dating mananahi o tailor.

Naging sikreto umano ni Koide sa mahabang buhay ay ang “pag-iwas sa sobrang pagtatrabaho at ang mabuhay ng masaya.”

Wala pa namang tinutukoy ang Guiness Book of World Records na papalit kay Koide bilang ‘world’s oldest man’.