Santa Ana at Gonzaga Cagayan nalubog sa baha matapos tumama ang bagyong Ramon

Nalubog sa tubig baha ang halos buong bayan ng Santa Ana sa lalawigan ng Cagayan.

Ayon kay Mayor Nelson Robinion ng Santa Ana, nakaranas sila ng flashflood matapos ang pagtaa ng bagyong Ramon sa lalawigan.

Agad nagsagawa ng rescue operations ang lokal na pamahalaan upang mailikas ang mga naiwan pa sa kanilang mga tahanan.

Umapela naman ng tulong para sa karagdagang rubber boats at rescue equipment si Robinion.

Samantala sa bayan ng Gonzaga naman, maraming bahay din ang lubog sa tubig baha.

Partikular na binaha ang Barangay Tapel.