Magnitude 4.2 na lindol, yumanig sa Davao Oriental

Tumama ang magnitude 4.2 na lindol sa Davao Oriental, Martes ng hapon.

Sa datos ng Phivolcs, namataan ang episentro ng lindol sa 9 kilometers Northwest ng Lupon bandang 3:00 ng hapon.

May lalim ang lindol na 32 kilometers at tectonic ang dahilan.

Dahil dito, naramdaman ang intensity 3 sa Davao City.

Naitala naman ang instrumental intensity 2 sa Davao City habang intensity 1 sa Kidapawan City.

Wala namang napaulat na pinsala at aftershocks matapos ang pagyanig.