Dalawang dayuhan na sangkot sa Telecom fraud naaresto sa NAIA

Arestado ang dalawang dayuhang sangkot sa Telecom fraud.

Dinakip ang dalawa matapos dumating sa Ninoy Aquino International Airport (NAIA).

Ayon kay BI Port Operations Division Chief Grifton Medina, nasa listahan nila ng mga puganteng dayuhan ang dalawa.

Unang nadakip ang Chinese national na si Wang Zhi Qiang sa NAIA Terminal 1 matapos lumitaw sa database ng BI na siya ay isang blacklisted na dayuhan.

Galing sa Xiamen ang Chinese nang dumating ito sa bansa.

Samantala, naaresto naman sa NAIA Terminal 3 ang 20 anyos na si Enow Lewis mula sa Cameroon.

Nabatid na expire na ang pasaporte ni Lewis.

Nakatakda nang ipatapon palabas ng bansa ang dalawa.