Babae timbog sa isang sako ng shabu sa Quezon City

Inaresto ng mga ahente ng PDEA ang isang 23-anyos na babae sa ikinasang buy-bust operation sa isang mall sa Quezon City.

Sinabi ni PDEA Dir. Gen. Aaron Aquino, nakumpiska kay Roselle Bolivar ang isang sako na naglalaman ng limang plastic bags na may tinatayang 500 gramo ng shabu na nagkakahalaga ng P3.4 milyon.

Isinagawa ang operasyon sa isang mall sa Novaliches at nakuha din sa pag iingat ng hinihinalang drug pusher ang isang cellphone at ang buy bust money.

Nahaharap na ngayon sa kasong paglabag sa Comprehensive Dangerous Drugs Act of 2002 si Bolivar.