2 estudyante patay sa pamamaril ng kapwa nila estudyante sa Southern California

(UPDATE) Dalawang kabataan na ang nasawi makaraang mamaril ang kapwa nila estudyante sa loob ng isang paaralan sa Southern California.

Ang mga nasawi ay isang lalaki na 14 anyos at babaeng 16 anyos. Tatlong estudyante pa ang sugatan.

Ang kaklase nilang suspek sa pamamaril na isang 16 anyos ay dinala sa ospital at nasa kritikal ding kondisyon matapos barilin ang sarili.

Base sa surveillance video sa Saugus High School sa Santa Clarita, kinuha ng estudyante ang baril sa kaniyang backpack at saka binaril ang apat na kapwa-estudyante bago nagbaril sa sarili.

Nangyari ang pamamaril sa araw mismo ng birthday ng suspek.

Gamit ang 45 caliber na semiautomatic pistol.