Sa mga larawang ibinahagi sa Facebook Page na “Bantay Maynila” makikita ang bandalismo sa bagong pinturang pader ng Lagusnilad.
Gamit ang kulay pulang pintura ay isinulat ang mga katagang “PRESYO, IBABA! SAHOD, ITAAS! – PS” ; “DIGMAANG BAYAN SAGOT SA MARTIAL LAW – PS” at “ATIN ANG PINAS! US-CHINA LAYAS! – PS”.
Ang nasabing post ay ibinahagi din ng Manila Tourism and Cultural Affairs Bureau sa kanilang Facebook.
Sinabi rin ng naturang tourism office na hindi naman bandalismo ang sagot sa pagbabago at sa halip ay disiplina at pag-unawa ang kailangan para sa sa mas maunlad na Maynila.