Ayon kay Pasay City Mayor Emi Calixto-Rubiano sa ilalim ng City Ordinance 6061 ipatutupad ang pagbabawal sa paggamit ng vape sa mga pampublikong lugar para maprotektahan ang publiko lalo na ang mga kabataan.
Sa ilalim ng ordinansa, bawal na ang e-cigarettes sa indoors kabilang ang workplaces, hospitals, healthcare centers, government offices, educational facilities, at recreational facilities.
Ang mga enclosed areas na bukas sa publiko, papayagan ang paggamit ng vape depende sa diskresyon ng may-ari ng pasilidad.
Bawal din sa ordinansa ang pagbebenta ng e-cigarette sa mga menor de edad.
Ang lalabag ay maaring mapatawan ng multa na P1,000 hanggang 4,000 o magsagawa ng 12 hanggang 24 na oras na community service.