Apat sugatan sa banggaan ng motorsiklo at tricycle sa Quezon

Sugatan ang apat na katao makaraang magkabanggaan ang isang motorsiklo at tricycle sa Mauban sa lalawigan ng Quezon.

Nangyari ang aksidente alas 7:30 ng umaga, Lunes (Nov. 11) sa Barangay Cagsiay 1 malapit sa resettlement area.

Kabilang sa nasugatan ang dalawang menor de edad na apat na taon at labingpitong taong gulang.

Pawang nagtamo ng sugat sa kanilang katawan at ulo ang mga biktima.

Patuloy pa ang imbestigasyon ng pulisya sa nangyaring aksidente.