Presyo ng krudo muling babawasan ngayong linggong ito

Panibagong rollback sa presyo ng ilang produktong petrolyo ang ipatutupad, anumang araw ngayong linggo.

Batay sa impormasyon mula sa oil industry, nasa P1.40 ang kaltas sa kada litro ng diesel, habang P1.00 sa bawat litro ng gasolina.

Sa halaga naman ng kada litro kerosene, nasa P1.20 ang posibleng bawas.

Ang price rollback ay bunsod ng pagbaba ng halaga ng langis sa pandaigdigang merkado.

Ang nakaambang bawas-presyo sa mga oil product ay ikatlo na para sa buwan ng Enero 2016.

Sa ngayon, hinihintay pa ang anunsyo ng mga kumpanya ng langis.