Residential area tinupok ng apoy sa Caloocan

Tinupok ng apoy ang isang residential area sa Barangay 69 sa Caloocan City, Huwebes (Nov. 7) ng madaling araw.

Sumiklab ang apoy pasado alas 3:00 ng madaling araw sa isang bahay sa Baltazar Street na kumalat sa katabing mga bahay na pawang gawa sa light materials.

Umabot sa 2nd alarm ang sunog bago tuluyang naapula.

Inaalam pa kung ano ang pinagmulan ng apoy at kung magkano ang halaga ng mga ari-ariang natupok.