Apat na pulis sa Boracay huling gumagamit ng cellphone sa oras ng trabaho

Apat na pulis na nakatalaga sa Boracay Island ang pinabalik sa Police Regional Office sa Western Visayas.

Ayon kay PRO-Western Visayas spokesperson Lieutenant Colonel Joem Malong, ang apat na pulis kabilang ang isang policewoman ay lumabag sa panuntunan laban sa paggamit ng cellphone sa oras ng duty.

Kaugnay nito, sinabi ni Malong na mahigpit ang paalala nila sa kanilang mga tauhan sa pagsunod sa patakaran at maging responsable sa kanilang tungkulin.

Ang apat ay papatawan ng kaukulang parusa.