Kaanak ng mga nasawi sa aksidente sa Apayao tumanggap ng tulong-pinansyal

Tumanggap ng tulong-pinansyal mula sa provincial government ng Cagayan ang pamilya ng mga nasawi sa aksidente sa Apayao.

Personal na binisita ni Cagayan Gov. Manuel Mamba ang mga pamilya ng mga biktima ng aksidente na pawang residente ng Rizal, Cagayan.

Bawat pamilya ay tumanggap ng P10,000 na tulong-pinansyal at isang kabang bigas.

Kasabay nito, ipinaabot ni Mamba ang pakikidalamhati sa mga pamilya ng mga biktima.

Aabot sa 19 ang nasawi sa naturang aksidente.

Tumanggap din ng P10,000 ang 24 na nasugatan sa aksidente na pawang nagpapagaling pa.