Yellow rainfall warning nakataas sa Zambales

Nakataas ang heavy rainfall warning sa Zambales dahil sa nagpapatuloy na nararanasang mga pag-ulan bunsod ng Tropical Storm Quiel.

Sa abiso ng PAGASA alas-5:00 Miyerkules ng umaga, yellow warning ang umiiral sa lalawigan.

Pinag-iingat ang mga residente sa posibilidad ng mga pagbaha sa mga flood-prone areas.

Posibleng tumagal ng dalawa hanggang tatlong oras ang pag-ulan sa naturang mga lugar.

Pinapayuhan ang publiko at Disaster Risk Reduction and Management Offices na bantayan ang lagay ng panahon at abangan ang susunod na advisory na ilalabas alas-8:00 ng umaga mamaya.