Ibinahagi sa Facebook ni Mayor Isko Moreno Domagoso ang isa na namang pagbabago sa lungsod ng Maynila.
Sa post Martes ng gabi, ipinakita ng alkalde ang bagong bihis na Lawton Underpass sa tapat ng Mehan Gardens.
Ang dating underpass na marumi at puno ng bandalismo ay kapansin-pansin na ang kalinisan at pagiging maaliwalas.
Inumpisahan na rin ang paglalagay ng paintings sa nasabing underpass.
Lubos ang pasasalamat si Moreno sa isang kumpanya ng pintura at sa city engineer at mga empleyado nito.
Marami ang natuwa sa post ni Moreno na ngayon ay nakakuha na ng higit 61,000 likes at higit 4,000 komento.
MOST READ
LATEST STORIES