10 drug suspects arestado sa Makati

Arestado ang sampung katao, kabilang ang isang menor de edad sa buy bust operation ng pulisya sa Makati City Martes ng madaling araw.

Ayon kay Makati Police chief Col. Roger Simon, lima sa mga naaresto ay mga babae.

Target anya ng operasyon si Alyas Jayson at matapos makabili ng droga ay agad itong inaresto.

Nakuha sa mga suspects ang ilang sachet ng shabu, dalawang ecstasy tablet, baril at mga bala.

Ayon sa pulisya, nagkakahalaga ng P350,000 ang nakuhang shabu mula sa suspects.