Brgy. Chairman patay sa pamamaril sa Bulacan

Patay ang isang barangay chairman makaraang pagbabarilin sa San Ildefonso, Bulacan araw Lunes ng umaga.

Ayon kay Police Col. Chito Bersaluna, director ng Bulacan Provincial Police Office, kinilala ang biktima na si Rosteo Salao, 67-anyos, chairman ng Barangay Lapnit.

Binaril ng hindi pa nakikilalang riding-in-tandem si Salao bandang 6:00 ng umaga.

Sa ngayon, nagsasagawa na ng imbestigasyon ang pulisya kung ano ang motibo sa likod ng pananambang.

Ito na ang ikalawang insidente ng pagpatay sa isang barangay chairman sa lugar sa loob ng dalawang linggo.