M3.9 na lindol naitala sa Sultan Kudarat

Niyanig ng magnitude 3.9 na lindol ang bahagi ng Sultan Kudarat alas-2:42 Lunes ng madaling-araw.

Ayon sa Phivolcs, ang episentro ng lindol ay sa layong 20 kilometro Hilagang-Kanluran ng bayan ng Palimbang.

May lalim ang pagyanig na 559 kilometro.

Samantala, isang magnitude 3.3 na aftershock ang naitala sa Cotabato alas-12:32 kaninang madaling-araw.

Ang episentro naman ng pagyanig ay sa layong 21 kilometro Timog-Kanluran ng Tulunan.

May lalim ang pagyanig na 25 kilometro.

Tectonic ang dahilan ng mga pagyanig na hindi naman nagdulot ng pinsala sa ari-arian at wala ring inaasahang aftershocks.