Kinilala ang biktima na si Renato Fidel Velasco, empleyado ng isang petroleum company.
Ayon kay Nasugbu Fire Sr. Insp. Benjie Caca, posibleng nagsimula ang sunog mula sa napabayaang kandila.
Ang kandila ay sinasabing sinindihan sa gitna ng Undas.
Sinindihan ang kandila malapit sa kwarto ni Velasco sa ikalawang palapag ng bahay sa Barangay Pantalan.
Natutulog ang biktima habang naghahanda ng pagkain ang pamilya nito nang sumiklab ang sunog.
Agad na humingi ng tulong ang mga kaanak ni Velasco nang kumalat ang usok sa ikalawang palapag ng bahay na mayroong mga antique at native na mga gamit na ayon sa otoridad ay mabilis masunog.
Pagdating ng mga bumbero ay wala ng malay ang biktima at nasunog na ang katawan nito.
Hindi na umabot ng buhay sa Jabez Medical Center ang lalaki.