Ilang mga oil companies magkakaroon ng bawas presyo sa petrolyo

Good news para sa mga motorista!

Muling magkakaroon ng bawas presyo sa produktong petrolyo ang ilang mga kumpanya ng langis.

Nauna nang nag-anunsyo ng rollback ang Petron at Shell pati na rin ang kumpanya ng Clean Fuel na isang independent player.

Bababa ng P0.25 ang presyo ng kada litro ng diesel habang P0.10 naman ang ibabawas sa presyo ng kada litro ng gasolina.

Magiging epektibo naman ang nasabing rollback ng Shell at Petron sa darating na Martes, Nov. 5.

Habang ang bawas presyo naman sa kumpanya ng Clean Fuel ay magsisimula na bukas ng hapon, Nov. 3.

Samantala, hindi pa nagpapatupad ng kanilang tapyas presyo sa petrolyo ang iba pang mga kumpanya ng langis.