M3.2 aftershock naitala sa Cotabato

Patuloy na nararamdaman ang aftershocks sa Cotabato matapos ang pagtama ng malalakas na lindol, pinakahuli ang magnitide 3.2 na lindol Biyernes ng gabi.

Ayon sa Phivolcs, naitala ang aftershock sa bayan ng Tulunan alas 9:46 ng gabi.

Ang lindol ay may lalim na 26 kilometro.

Naitala ang Intensity II at Instrumental Intensity I sa Kidapawan City.

Wala namang inaasahang pinsala sa ari-arian ang naturang aftershock.