Idineklara ni Mayor Isko Moreno na mahigit 100 na barangay ang drug-cleared na sa Lungsod ng Maynila.
Ayon kay Moreno, mula sa dating mahigit-kumulang 30 barangay, nasa kabuuang 111 barangay na ang drug-free.
Kasunod nito, nagpasalamat ang alkalde sa Philippine Drug Enforcement Agency (PDEA) at Manila Police District (MPD) para sa operasyon kontra sa ilegal na droga.
Wala aniyang lugar sa Maynila ang mga nagbebenta ng ilegal na droga kahit pa maliit o malaki, Filipino man o dayuhan.
Samantala, sinabi ni Moreno na handa ang pamahalaang lokal ng Maynila na tulungan ang mga gumagamit ng ilegal na droga para magbago.
Nagpaalala rin ang alkalde sa mga barangay chairman na huwag magpasangkot sa ilegal na transaksyon ng droga.
Nasa kabuuang 896 ang bilang ng mga barangay sa lungsod.