1 patay, 7 kritikal sa aksidente sa Oriental Mindoro

Dead-on-the-spot ang isang katao habang kritikal ang kondisyon ng pitong iba pa sa naganap na aksidente sa Bongabong, Oriental Mindoro Biyernes ng umaga.

Kinilala ang nasawing biktima na si Rodolfo Gunay.

Ayon kay MIMAROPA police information officer Lt. Col. Socrates Faltado, nawalan ng preno ang pribadong jeep sa bahagi ng Barangay Hagan bandang 9:30 ng umaga.

Ani Faltado, mechanical failure ang dahilan ng aksidente.

Nasa 30 katao ang sakay ng jeep na patungo sana sa Barangay Lisap.

Isinugod ang mga sugatang biktima sa ospital sa Calapan City.