Biyahe ng mga eroplano sa Clark International Airport naantala dahil sa Lightning Red Alert

Ilang minutong naantala ang biyahe ng mga eroplano sa Clark International Airport.

Sa abiso ng Cebu Pacific, alas 3:50 ng hapon ng Biyernes, Nov. 1 itinaas ang Lightning Red Alert sa Clark International Airport.

Sa nasabing oras, sinuspinde pansamantala ang lahat ng airport ground operations para sa kaligtasan ng ground personnel.

Hindi rin muna nakapagsakay at nakapagbaba ng pasahero at nakapagkarga at baba ng mga bagahe.

Dahil dito, na-delay ang alis ng mga eroplano.

Alas 4:14 ng hapon nang bawin ang inilabas na Lightning Alert sa Clark at maging normal ang operasyon sa paliparan.