WATCH: Unang mga oras ng pagdagsa ng publiko sa mga sementeryo naging payapa ayon sa PNP

Normal at mapayapa ang naging sitwasyon sa bansa sa paggunita ng Undas.

Ayon kay PNP Spokesperson Police Brig. Gen. Bernard Banac sa unang mga oras ng pagdagsa ng publiko sa mga sementeryo ay naging payapa ang sitwasyon.

Sinabi ni Banac na wala ding natanggap na report hinggil sa anumang untoward incidents sa paggunita ng Undas.

Paalala naman ni Banac sa mga magtutungo pa sa sementeryo ngayong araw hanggang bukas na sumunod sa mga panuntunan na pinaiiral.

Ani Banac, mas mainam na iwasan na ang pagdadala ng mga ipinagbabawal ng bagay upang hindi na magdulot pa ng abala.

Tiniyak din ni Banac na may sapat na bilang ng mga pulis na magbabantay sa komunidad lalo at marami sa ngayon ang iniwan ang kanilang mga tahanan para magbakasyon.