Malalakas na aftershocks patuloy na naitatala matapos ang magnitude 6.5 na lindol sa Mindanao

Patuloy na nararamdaman ang kaliwa’t kanang pagyanig sa Mindanao region.

Ito ay matapos tumama ang panibagong magnitude 6.5 na lindol sa Tulunan, North Cotabato kaninang alas-9:11 ng umaga ng Huwebes (October 31).

Sa datos ng Phivolcs, naitala ang magnitude 4.2 na lindol sa layong 23 kilometers sa Tulunan bandang ala-1:59 ng hapon.

May lalim na 25 kilometers ang pagyanig at tectonic ang dahilan.

Dahil dito, naramdaman ang instrumental intensity 1 sa Koronadal City; Tupi, South Cotabato at; Malungon, Sarangani.

Babala ng Phivolcs, manatiling alerto sa mga inaasahan pang pagyanig sa rehiyon.