Hindi bababa sa 9 sugatan sa gumuhong condo sa Davao City

Hindi bababa sa siyam katao ang nasugatan matapos gumuho ang isang condominium sa Davao City bunsod ng tumamang magnitude 6.5 na lindol sa Mindanao.

Ayon kay Davao City Mayor Sara Duterte-Carpio, gumuho ang Ecoland 4000 sa bahagi ng Matina.

Sinusuri na aniya ng Central 911 teams ang rooftop hanggang ikatlong palapag ng gusali.

Pinaka-apektado aniya ang ikalawang palapag ng gusali.

Sinabi aniya ng administrator ng condo na nagpatupad sila ng forced evacuation nang mangyari ang lindol.

Patuloy ang isinasagawang assessment sa lugar.