Publiko patuloy ang pagdagsa sa Manila North Cemetery

Umabot na sa halos 15,000 katao ang naitalang bumisita sa Manila North Cemetery ngayong araw ng Huwebes, Oct. 31.

Alas 11:00 ng umaga, sinabi ng Manila Police District (MPD) na nasa 14,980 na ang tao sa loob ng
sementeryo.

Mahigpit naman ang ipinatutupad na seguridad sa sementeryo at kinakapkapan ang mga pumapasok par amatiyak na hindi sila nagpapasok ng bawal na gamit.

Marami-rami na ring nakumpiskang bawal na gamit gaya ng sigarilyo at lighters, mga bote at alak.

Paulit-ulit naman ang paalala ng MPD sa mga nagtutungo sa sementeryo na iwasan na ang magbitbit ng mga bawal na gamit, gaya ng matutulis na bagay.