Kapitan ng barangay sa Makilala, North Cotabato patay matapos gumuho ang barangay hall

Patay ang isang kapitan ng barangay sa bayan ng Makilala sa North Cotabato matapos mabagsakan ng debris kasunod ng malakas na 6.5 magnitude na lindol sa Mindanao.

Nasa loob ng barangay hall si Kapitan Benjie Bangot ng Barangay Batasan nang gumuho ang naturang pasilidad.

Nadaganan si Bangot ng malalaking tipak ng bato na naging dahilan ng kaniyang kamatayan.

Maraming kalsada din sa Makilala ang nakitaan ng malalaking bitak matapos ang panibagong malakas na pagyanig.

Gumuho din ang isang gymnasium sa bayan ng Makilala.