Number coding suspendido na mula alas 12:00 ng tanghali ngayong araw, Oct. 31

By: Dona Dominguez-Cargullo - 5 years ago

Sinuspinde na ng Metropolitan Manila Development Authority (MMDA) ang pag-iral ng number coding sa mga lahat ng uri ng sasakyan mula alas 12:00 ng tanghali ngayong araw ng Huwebes, Oct. 31.

Inanunsyo ito ng MMDA para mabigyang pagkakataon ang mga motorista na makabiyahe lalo na ang mga uuwi pa sa mga lalawigan.

Ayon sa MMDA sakop na ng suspensyon ang lahat ng pribado at mga pampublikong sasakyan.

Una rito sinabi ng MMDA na provincial buses lamang ang sakop ng suspensyon ng coding ngayong araw.

Samantala, bukas Nov. 1 ay mananatiling suspendido maghapon ang number coding sa lahat ng uri ng mga sasakyan.