Ilang mag-aaral sugatan matapos gumuho ang isang paaralan sa Tulunan, Cotabato

Ilang mag-aaral ang nasugatan matapos na gumuho ang isang paaralan sa Tulunan, Cotabato.

Bumagsak ang bubungan ng Daig Elementary School sa Tulunan, nang tumama ang magnitude 6.6 na lindol, Martes (Oct. 29) ng umaga.

Sa Facebook post ng isang guro sa paaralan, makikita ang mga estudyante na nasa school grounds na pero ilan sa kanila ang sugatan.

Binigyan muna ng first aide ang mga nasugatang mag-aaral at saka dinala sa ospital.

Humihingi rin sila ng tulong sa lokal na pamahalaan para mabigyang ayuda ang mga nasugatang mag-aaral partikular ang gastos sa pagpapagamot.