Sa ambush interview sa pangulo sa Malakanyang Lunes ng gabi, sinabi nito na mahirap makahanap ng tamang pulis na akma sa puwesto.
Katapatan o honesty ang pangunahing ikinukunsidera ni Pangulong Duterte sa pagpili ng bagong PNP chief.
Ayon sa pangulo, hindi naman “messy” ang PNP pero talagang mahirap ang pagpili ng kapalit ni Albayalde.
Matatandaang kusang bumaba sa puwedto si Albayalde noong Oct. 14 matapos madawit sa isyu ng ‘ninja cops’ kahit na sa Nov. 8 pa sana ang kanyang mandatory retirement age na 56.
Sa ngayon, tatlong pangalan ang lumulutang na posibleng pumalit kay Albayalde, ito ay sina Lt. Gen. Archie Gamboa, na tumatayong officer-in-charge ngayon ng PNP at sina Lt. Gen. Camilo Cascolan, at Maj. Gen. Guillermo Eleazar.