Lalaking wanted sa pagpatay sa Maynila arestado

Matapos ang mahigit isang taong pagtatago, nahulog din sa kamay ng batas ang isang lalaking wanted sa pagpatay sa isang entertainer sa Maynila Martes ng madaling araw.

Arestado ang suspect na si Ace Mondragon sa pinagtataguan nito sa Zambales.

Ayon sa pulisya, si Mondragon ang sinasabing pumatay sa biktimang si Eunice Espinosa noong 2017.

Natunton ang lokasyon ni Mondragon matapos makatanggap ng tip ang pulisya.

Nasa 27 beses na sinaksak ng suspect ang biktima dahil umano sa selos.

Nakakulong na ngayon si Mondragon sa Malate Police Station.