OTS nagpaalala kaugnay ng pagdadala ng likido at ‘flammable materials’ sa biyahe sa eroplano

Nagpaalala ang Office of Transportation Security (OTS) kaugnay sa pagdadala ng likido at flammable materials sa biyahe sa eroplano.

Ayon sa OTS, ang mga likido, aerosol at gel na nakalagay sa container at may timbang na mahigit 100ml ay kailangang ilagay sa check-in baggage.

Habang ang lahat ng liquid items na nasa carry-on bag ay dapat na kasya sa isang transparent re-sealable plastic bag at hindi lalampas ng isang litro.

Samantala, ang lahat ng uri ng liquid, aerosol at gel, anuman ang dami, kung ang label nito ay “flammable,” “corrosive,” at “toxic” ay hindi pwede sa cabin o holding area.

Ayon sa ahensya, ang alituntunin ay para sa ligtas na biyahe ng mga pasahero.