Tatlo ang nasawi sa sunog na sumiklab sa Maligaya St. Brgy. Pasong Putik, Quezon City, pasado hatinggabi ng Lunes.
Ayon sa BFP-Quezon City, umabot sa ikalawang alarma ang sunog at tuluyan lamang nakontrol alas-2:50 ng madaling araw.
Natupok ang isang hilera ng mga kainan at bahay.
Ang mga nasawi ay isang mag-asawa at kanilang dalawang taong gulang na anak.
Umabot sa 12 pamilya ang nawalan ng tirahan.
Patuloy na inaalam ang sanhi ng sunog na sinasabing nagsimula sa ikalawang palapag ng isang bahay.
MOST READ