Seguridad sa Ateneo hinigpitan dahil sa bomb threats

Mas mahigpit na seguridad ang ipinatutupad sa Ateneo de Manila University mula Linggo ng gabi matapos makatanggap ang pamantasan ng bomb threats galing sa social media.

Sa pahayag sa Twitter ng The Guidon, ang official student publication ng ADMU, pinayuhan ang Ateneo Community na manatiling kalmado.

Tinitiyak na umano ng Campus Security and Mobility Force ang seguridad sa pamantasan.

Samantala, hindi naman sususpendihin ang klase at trabaho ngayong araw.

Ang sinasabing bomb threats mula social media ay natanggap ng unibersidad matapos ang mga ulat ng umano’y sexual harassment ng ilang faculty members.