Sinuway ni Pangulong Rodrigo Duterte ang utos ng mga doktor na magpahinga muna.
Ito ay makaraang sumakay muli ang pangulo sa motorsiklo sa loob ng PSG Compound.
Ibinahagi ni Senator Bong Go sa Facebook ang mga larawan ng muling pagsakay ng pangulo sa motor na tumagal umano ng 10 minuto.
Magugunitang naaksidente ang pangulo noong nakaraang linggo matapos sumakay sa 650-cc dirt bike sa Malacañang compound at naging dahilan para sumakit ang spine nito.
Dahil sa labis na sakit na naramdaman ay napilitang umuwi nang mas maaga si Duterte mula sa kanyang pagbisita sa Japan.
Sa kanyang checkup, sinabi naman ng mga doktor na muscle spasm lang ang iniinda ng pangulo.
Ayon sa Malacañang binigyan ng mga doktor si Duterte ng pain killers at pinayuhang magpahinga muna.
