Dalawang American national arestado matapos mahulihan ng ‘kush oil’ sa Angeles City

Dalawang American nationals ang inaresto ng mga otoridad sa Angeles City, Pampanga dahil sa pagbebenta ng “kish oil”.

Ayon kay Lyndon Aspacio, direktor ng Philippine Drug Enforcement Agency (PDEA) sa Central Luzon, ang kush oil ay nakuha sa suspek na si Paul Montemayor, 42, at Shaneeka McAlister, 38.

Kapwa American citizens ang dalawa at naninirahan sa Barangay Anunas sa Angeles City.

Ayon kay Aspacio ang kush oil ay kinukuha mula sa cannabis plant, na isang high-grade type ng marijuana.

Si Montemayor ay nagtatrabaho bilang disc jockey, habang si McAlister ay dating English teacher sa South Korea noong 2016 at nasa Pilipinas sa loob ng mahigit isang buwan bilang turista.

Kabilang sa nakumpiska sa dalawa ang isang vape na may yellow liquid, dalawang maliit na kahon na may 33 grams ng kush oil na tinatayang P14,000, at ang ginamit na buy-bust money.