Sabay-sabay na nagsagawa ng paglilinis sa lungsod ang mga tanggapan sa Manila City Hall, mga barangay at maging mga mamamayan.
Ang mga tauhan ng Manila Disaster Risk Reduction and Management Office (MDRRMO) maaga pa lamang nasa bahagi na ng Recto, Divisoria para magsagawa ng flushing operations.
Naglinis din ang mga tauhan ng Manila Sports Council sa loob ng City Hall.
Maraming volunteers naman ang sabay-sabay na naglinis sa gilid ng Manila Bay.
Habang ang mga staff ng Ospital ng Tondo, hindi lang basta naglinis kundi nagsagawa pa ng tree-planting activity.
Bilang pagdiriwang naman ng kaniyang kaarawan, isang dialysis center ang regalo ni Moreno sa Gat Andres Bonifacio Memorial Medical Center.
Pinangunahan ni Moreno ang pagbubukas ng Flora V. Villaroman – Siojo Dialysis Center sa naturang ospital. (END/DD)
