3,000 baboy kinatay sa Cavite para maiwasan ang pagkalat pa ng ASF

Umabot na sa 3,000 mga baboy ang kinatay sa Cavite para maiwasan ang pagkalat pa ng African Swine Fever (ASF).

Ayon kay Arnel De Mesa, Department of Agriculture (DA) regional director sa Calabarzon, ang mga kinatay na baboy ay sakop ng 1-kilometer radius mula sa apektadong babuyan sa Barangay Emmanuel Bergado 1 sa Dasmariñas City.

Sinabi ni De Mesa na maliban sa naturang barangay ay wala pa namang panibagong kaso ng ASF na namo-monitor sa Cavite.

31 baboy ang unang nasawi dahil sa ASF sa Dasmariñas City.

Umiiral pa rin ang lockdown sa lalawigan base sa utos ni Governor Jonvic Remulla at bawal ang paglabas at pagpasok ng mga baboy sa buong Cavite.